الا يالله تغفر لي ذنوبي تغفر لي ذنوبي والاثام كان اني ما اتقفى الغافلين ولا اسب الاجاويد الكرام هجدنا النذير بهود ليل وحنا هاجعين بالمنام والشردان اشاروا بالرحيل والظفران اشاروا بالمقام واقمنا وبنينا الخيام وكل دونها لبس الحرام يوم سعود جانا بالدويش جاب مطير مع صبيان يام واهل سدير والسبعان معهم والعجمان يقداهم حزام والقصمان جونا من يمين يبون المباني والجهام والدمام دقوه العبيد ونور الشمس غاطيه الغمام وشافونا وجونا سارحين والله مانوونا بالرحام ولجن العذارى بالصياح شافن الجموع الها ادحام ورمن بالبخانق والهدوم وينخن بالجدود وبالاسام وردينا لدهمان السيوف وسود الشلف كاسرة العظام ومركاض يسر الناظرين ترعابه مرودنت السنام لاتبكن يابيض النحور عان الفعل في ولد الامام دون البل مكرمت الضيوف بعنا الروح بيع مايسام

لم تعجب هذه القصيدة مسلط وقال : ( يا شليويح فعلنا اكبر من هالقصيدة)

2- فقال شليويح هذه القصيدة التي لم تعجب مسلط ايضا :

جانا النذير عصير سرور شوق اللي حوى الراس بقران يقول جاكم واحد مايساير طاغي وظالم مانوى فيكم احسان سعود جا من يمة الشرق فاير بصبيان يام مرجحة كل ميزان معهم هل العارض وسبع الجزاير ومعهم بريه وغيرهم جمع دوشان وردوا لراي مذربين البصاير وقلنا على الله مانبا غيره اعوان وسقنالهم جمع يشوق النضاير وموحدين اللي ليا وحد اعان وبعد صلاة الصبح والعج ثاير لين اتقى راس النجج عقب مابان وخيل وسط خيل وخيل تخاير وخيل مرزنها غنيم بن شبلان كنه ليا اعرض في وجيه الجراير يمنع هذولا عن هذولا بقرعان وراحولنا مع قدرة الله نحاير عقبان نجد اللي يقدون الاضعان جوا بالجراير وانكفوا بالخساير خساير ما تنتعوض بالاثمان والله ما اذم متيهين العشاير لكن ضاموهم عطيبين الاكوان الدم سايل في وجيه الكساير وراحت سربهم كنها جول غزلان

3- فقال الشاعر سهاج بن غلاب بن ربيعان هذه القصيده :

جانا النذير سرور وسعود جا اليوم يقدا الجموع الضاريات المهيله وبقدرة الله راحوا اشتات وقسوم عقبان نجد اهل الفعول الجليله بدر الدويش اللي من العام مسموم مبط يحايلنا على كل حيله ماخلقت الدنيا ولا الدين في يوم واللي تمنى حربنا نعتديله يوم من الجمعه على هلة التوم عج الرمك كنه عجاج المخيله سقنا لهم جمع من الغيض مزحوم مثل الخيال اللي ثقيل مخيله اولاد روق اللي كما دولة الروم مروية حدب السيوف الصقيله ومركاضنا من عقبه الجمع مثلوم ولبس الحداد اللي ينقض جديله ومن طاح لاراحم ولاهوب مرحوم بموصلات بالعروق الطويله والكبد ماذاقت من الزاد مطعوم لين انكفتهم خيلنا فالدبيله ويا طير ياللي فالسما تكثر الحوم عان السدارا روسهم فالمسيله وفهد ولد سدحان في مذبح القوم وراعي الرويضه ما لقا من يشيله الذبح تسعميه وزود بلملوم عود من الروسان ربي مزيله وراك يالملوم تخمر مع القوم ما جا من الله ما معي فيه حيله

4- و قال سهاج قصيدة منها:

هاضتني جموع المسلميني جونا مثل عمدان الجرادي جونا من يسار ومن يميني والدمام من صبحه ينادي يالله ياشفيع المومنيني روس الحضر نطلٍ فالمنادي خل العرد درعات الحنيني ترعى من طلال الى الثنادي

فلم تعجب كل تلك القصائد الامير مسلط لانه كان يراها لا تواكب هذا الانتصار الاسطوري.
5- عندها قال الشيخ شليويح معلقته الشهيرة التي تعد من عيون الشعر النبطي والتي
علقت في اذهان سكان الجزيرة العربية وقد اعجبت تلك القصيدة الامير مسلط , يقول شليويح في معلقته :

اول كلامي طلبتي ذكر الله ماني عن الرب الكريم غناوي أغفر ذنوبي يا محل ذنوبي ان كان في بدع كلامي غاوي مانيب من يمدح بقوله لسانه ولا ني على عشق البني هواوي على طلال الصبح خيل مخيلة تاصل سناويها الى المطاوي وبروقها الهند ومصاقيل العجم ورعودها البارود والعزاوي وتمطر بعطشان المحبب والقنا والها بروس الخيرين تعاوي جانا سعود مسير بجنوده معه الدويش ولمة البداوي ومعه جموع سبيع واهل العارض وصبيان يام وبيرق القصماوي ثمانية الاف عداد جموعهم بلوى وربي يدفع البلاوي وحنا ثمانمائة عداد جموعنا ماش اجنبي فينا ولا برقاوي الاد روق اللي عريب جدهم لاجا من الحكام رد براوي ندّب علينا شيخنا ابن محمد ثم انتهض مثل العقاب الناوي عودٍ تعطف في ظهر جلومز جلومزٍ مثل القضيب الهاوي مترفعٍ عنها اللحم بعلوها شعلاً شعاع شعلّةٍ شعلاوي وصحنا عليهم ثم عاونا الله لين انها صارت لنا مناوي ياظفرهم لاقرب الله دارهم وحنا عليهم مثل نجمٍ هاوي لكن سربتهم اليا اوجهنا بهم شراد ريم مع حماد داوي لكن سربتنا الي اوجهوا بنا زمولٍ مخزمة على الكراوي وطلحه نحوا عنا ببريه يسارهم وتعاقبوا دهم العروق هداوي كن الجنايز في نحاوي طلحه جدع الخشب فالوادي السناوي وحنا تلاقينا بسربة علوى وساع الطعون مطوعين الغاوي ونخيت مزحم سعد منهم ربعه يوم اللقا زادوا ورا الهقاوي ردوا يمانيهم لكل مجرب ياما خذوا من روح كل مساوي نضرب بسلات الهنادى روسهم ونقصم مثانيهم مهيب سطاوي ونرخي فيهم حد كل موصلة في فعلها يحتار كل مداوي وارويت مذلوق القنا من خيلهم والشيوخ ما صدوا لها نحاوي ومنعت سلطان البعير بينهم يوم ادبحوا شرابة القهاوي يارب تنجي وتنجي سابقي اللي تزبني عن الاهاوي ما يلحق العنان هامة راسها ياكود يركيها على السنداوي مضرب يديها في صليب الرقه تاخذ من ادنى الحزم كبر الشاوي قبٍ من الزلبات وا فٍ عدها بنت الاصيل وركضها فجحاوي ابرها وام العيال تبرها تشرب حليب الفاطر الجنفاوي تطلعن يالبيض في مركاضنا وصلت كسايرهم الى الحجناوي وعزي لهم لولا اسمر في خيلهم يهوي علينا اهواية النداوي لا رحم ابو من صد عن محرافها يوم انجلاع الستر عن مضاوي نطعن لعين اللي تهل دموعها تبكي وفي تالي البكا نخاوي تقول ياالظفران من عاداتكم هوشوا عسى يبقي لنا شلاوي ونطعن لعين اللي تجر حنينها عفرا تبا صيفية المطاوي قلت ابشري بالفك ياحم الذرا دام الطعن يفك والاهاوي تزبنوا عنا قصور عنيزة لين احتماهم بيرق القصماوي ترعى بنا عوج الركاب وتنثني ماحدرت حسلة الى الحجناوي والمدح لله ثم نسل محصن عسى لهم عند الاله عراوي ذوي ثبيت اهل المناخ شيوخنا واهل الكرم والمنزل المتساوي سواقة المغتر على الحرابه يوم الحريب عن الحريب يلاوي يا مسوي الفنجال عده لمدوخ واثنه لابن صلال والجلاوي وانا زبون الحرد ابو ضيف الله لا قصر البرطم عن الشفاوي وانا احمد الله يوم انا من لابه ماهم بقطمان اليدين شواوي

هات القلم ياللي تجيد القراية واكتب على الصفحة بيان(ن)بتفصيل للي حذف بي هرجة(ن) في قفاية والهرج له راوي وسامع وتسجيل وياللي تبي رايي تبيع(ن) لراية وتقول برنامجك محتاج تعديل قله ترى مانيب شاعر دعاية ولا آخذ على نظم القوافي محاصيل ومالي بترويج القصايد هواية ومالي هدف في كثرت القول والقيل انا اليا زادت علوم اخصمايه وكثرت في صندوق البريد المراسيل رفعت لي من بين الأعلام راية وللبيت عمدان وللحرف تحليل وضربت من بين العيون بعصاية لابان غيض أهل القلوب المغاليل

القصيدة الثانية

قومي هل المعروف واهل الرعاية للواجبات اللي عليهن دواليل عتبان يزبن لهم كبير الجناية اليا مالقى عند القبايل مداخيل شرقي منازلهم بلاد الفوايه وغربي منازلهم بلد محبس الفيل وفيهم الى شان الزمان ارتكاية وقت القسا مثل الجمال المحاميل اليا صار في بعض الرجال التوايه تبينوا لمدور البن والهيل وحير(ن) عليهن الشحم تقل صاية وكلامنا احلى من شراب الشهاليل ويكفي عن الشرح كثير الرواية مصادر التاريخ فيه التفاصيل ومدامهم قومي وساس انتمايه وعضدي الى صكت علي المحابيل وشلون اجنّب عن طريق اعضداية والدرب مرفوع وعليه القناديل ومن لا اهتدى بآثار الأقلام تايه اللي تقص اخبار جيل بعد جيل للمهتدي يبين درب الهداية والمنحرف لو هو يعطى درابيل يمشي على عمياه حتى النهاية والى انتهى دارت عليه المحاحيل عميت ماخصيت راعي الحكاية وان عاد علمناه من ساري الليل

لزيارة القروب هنا